डडेल्धुराः त्रिभुवन विश्वविद्यालयका आंगिक र मातहतका कलेजमा मंगलबार स्वतन्त्र विद्यार्थी युनियन (स्ववियु)को निर्वाचन हुँदै छ । डडेल्धुरा बहुमुखी क्याम्पसको चुनावी चर्चा पनि अग्रणी रुपमा रहेको देखिन्छ । जहाँ स्ववियुको नेतृत्वको लागि त्रिपक्षीय प्रतिस्पर्धा भइरहेको छ । डडेल्धुराको डडेल्धुरा बुहमुखी क्याम्पसलाई बडो चासोको रुपमा हेरिएकोछ ।
सभापति पदको उम्मेदवारका लागि ३ जनाले उम्मेदबारी दिएका छन् । सभापति पदका लागि स्वतन्त्र उम्मेदबारी दर्ता भएपछि चुनावी चर्चा अरु बर्ष भन्दा यस बर्ष चर्चामा आएको देखिन्छ ।
नेविसंघले गौरव ऐरलाई सभापतिको उम्मेदवार बनाएको छ । नेपाल विद्यार्थी संघ (बीपी) को नेतृत्वमा रहेको सयुक्त प्यानलबाट सभापतिमा मदन बोहरा उम्मेदवार छन् भने कर्ण धामीको नेतृत्वमा स्वतन्त्र प्यानल चुनावी मैदानमा छ । तीन वटै समूह चुनावी नतिजा आफ्नो पक्षमा पार्न अन्तिम कसरतमा छन् ।
स्वतन्त्र उम्मेदबारी दिएका धामीले पनि आफ्नो उम्मेदबारी दर्ता गराएपछि चुनावमा नयाँ माहोल जागेको थियो । धामी बैतडिका स्यायी बासिन्दा हुन् भने बोहरा र ऐर डडेलधुराका स्यायी बासिन्दा हुन् ।
यो पनि पढौः
डडेल्धुरा बहुमुखी क्याम्पसमा चुनाव लड्न मात्रै भर्ना हुन्छन् बोहरा !
स्ववियु निर्वाचनको मौन अवधि आज रातिदेखि, के के गर्न पाइँदैन ?
डडेल्धुरामा स्ववियु चुनावी माहोल बढदोः एक अडियो क्लिप बाहिरियो विद्यार्थीको टाउको मुल्य १ हजार
