कैलाली – जिल्लाको बर्दगोरिया गाउँपालिकामा एक बालकको शव फेला परेको छ । वडा नम्बर ४ स्थित नौनियाँको काँडा नदी किनारमा उक्त शव फेला परेको प्रहरीको भनाई छ ।
काँडा नदी भएर नौनियाँबाट बुटकौवा जाने बाटोको छेउमा करिब १४ वर्षीय बालकको शव फेला परेको खबर पाएपछि प्रहरी टोली घटना स्थलमा पुगेको इलाका प्रहरी कार्यालय बौनियाँका प्रमुख प्रहरी निरीक्षक अनीश भण्डारीले जानकारी दिए ।
प्रहरीका अनुसार बालकको शव माथि साइकल समेत लडेको छ । स्थानीयहरू नदीमा नुहाउन जाने क्रममा शव देखेपछि प्रहरीलाई खबर गरेका थिए ।
