हाम्रो नेपाल हामी नेपाली अभियानका संयोजक ज्ञानेद्र शाहीले सुदूरपश्चिम प्रदेशका मुख्यमन्त्री त्रिलोचन्द भट्टसंग प्रदेशबाट छुट्याएको बजेटको हिसाव माग्ने बताएका छन । शनिबार अत्तरियामा आयोजित नागरिक खबरदारी सभालाई सम्बोधन गर्दै शाहीले सो कुरा बताएका हुन । उनले पैसाको हिसाब नदिए आफू मुख्यमन्त्री त्रिलोचन्द भट्टको कार्यालयमा धर्ना दिने बताएका छन ।
उनले आफू ५ दिन देखि ७ दिन सुदूरपश्चिममा बसेर सबै प्रश्नको जवाफ माग्ने बताए । मुख्यमन्त्री कार्यालयले जवाफ नदिए छड्के अनुगमन गरिने शाहीले बताए ।
उनका प्रश्न यस्ता छन :
मुख्यमन्त्री त्रिलोचन्द भट्टले २०७५/७६ मा प्रदेशको बजेट २८ अर्व १६ करोड ल्याएको बजेट के–के कुरामा खर्च भयो ?
नमूना कृषि गाउँ आफै वनाउँ भनेर प्रत्येक स्थानिय तहलाई दिने भनेका थिए । नमूना कृषि गाउँ बनेको छ ?
कृषि योग्य जमिन र सिचाईको सुविधाका लागि भनेर १ अर्व १६ करोड लिए । के अहिले सम्म सिचाई पुगेको छ ?
नौ ओटा जिल्लालाई नमूना लिफ्ट सिचाई भने त्यसका लागि १० करोड छुट्याईयो । कहाँ छ लिफ्ट सिचाई गरेको त्रिलोचन्द भट्ट ज्यु ?
एउटा निर्वाचन क्षेत्रमा पुर्वाधार विकास भनेर ९६ करोड रुपैयाँ छुट्याएका छन । निर्वाचन क्षेत्रमा कुनै नयाँ सरकारी कार्यालय बनेको छ ?
८० हेक्टरको क्षेत्रफलमा केरा खेती गर्ने भने । त्यसको लागि २ करोड लगियो केरा खेती भएको छ ८० हेक्टरमा ?
मेसिन उपकरणमा अनुदान दिने भनेर ५ करोड छुट्याईयो खै त्यो पैसा कता खर्च भयो ?
चिस्यान केन्द्र निर्माण गर्ने भनेर बजेट छुट्याईएको छ । चिस्यान केन्द्र बनेको छ ?
स्थानिय तहमा एक तहमा एक औद्योगित केन्द्र स्थापना गर्ने भनेर ३ करोड बजेट विनियोजन गरिएको छ । तर त्यो औद्योगिक केन्द्र कहाँ बनेका छन ?
प्रदेशमा खाद्य डिपो बन्ने भनेर ६ करोड लगिएको छ । खाद्यको डिपो बनेको छ ?
मुख्यमन्त्रीले गरिवका लागि बस्ती बनाउने भनेर ४ करोड लगेर गए । बस्ती बनेको छ ?
जलविद्युत आयोजना बनाउने भनेर १० करोड लगेर गएका छन । अहिले सम्म जलविद्युत आयोजना बन्यो ?
नदी नियन्त्रण गर्ने भनेर ७१ करोड लिएर गएका छन । त्यो पैसाले कहाँ नदी नियन्त्रण भएको छ ? हिसाव चाहियो ?
प्रदेशमा गौरवका सडक योजना बनाउने भनेर ४२ करोड लगेर गएका रहेछन । कहि अहिले सम्म गौरवको सडक बनेको छ ?
