अछाम, ११ कार्तिक । अछामको ढकारी गाउँपालिकामा धारिलो हतियारको आक्रमणबाट एक जनाको मृत्यु भएको छ भने एक जना घाईते भएका छन् ।
जिल्ला प्रहरी कार्यालय अछामका अनुसार मृत्यु हुनेमा ढकारी गाउँपालिका— ३ चैतेखालीका २० वर्षीय देवेन्द्र थापा रहेको छन् । उनीसंगै रहेका १५ वर्षीय ईन्द्र थापा घाईते भएका छन् । उनको अवस्था गम्भीर छ ।
प्रहरीले हत्यामा संलग्न भएको आरोपमा ढकारी गाउँपालिका— ३ झ्याईसल्ला बस्ने ४२ नरेन्द्र बहादुर बुढालाई पक्राउ गरेको छ । बुढाले धारिलो हतियारको आक्रमण गरी एक जनाको हत्या गरेको प्रहरीले जनाएको छ । आक्रमणमा परी घाईते भएका ईन्द्र थापाको कम्मरमुनिको भाग चल्दैन । उनको मंगलसैनमा उपचार भईरहेको छ ।
सोमवार राति साढे १२ बजे चैतेखालीबाट ढकारी जादै गरेका उनीहरुमा बुढाले आक्रमण गरेको बताईएको छ । आक्रमण गरेको आरोपमा बुढालाई बिहान साढे ४३ बजे पक्राउ गरेको प्रहरीले जनाएको छ ।
प्रहरीले घट्नाका सम्बन्धमा अनुसन्धान भईरहेको जनाएको छ ।
