कञ्चनपुर – चोरी आरोपमा पक्राउ परेका एक थुनुवा जिल्ला प्रहरी कार्यालयबाटै भागेका छन् । बिहिबार बिहान पक्राउ परेका डडेलधुराको परशुराम नगरपालिका ७ जोगबुडाका अर्जुन धामी जिल्ला प्रहरी कार्यालयमा पुग्ने वितिकै भागेका हुन् । प्रहरीले उनलाई नजिकै एक घरको शौचालयबाट दिउसो पक्राउ गरेको छ।
‘भित्र पुग्ने वितिक्कै दोडेर भागिहाले,’ डिएसपी अमरबहादुर थापाले भने, ‘कार्यालयको पछाडीबाट हामीले तत्कालै पक्राउ गरिसक्यौं।’ धामी बेदकोट नगरपालिका सुडा क्षेत्रबाट पक्राउ परेका हुन्। धामी जानकी टोलस्थित एउटा घर बाहिरको शौचालयमा लुकेर बसेको अवस्थामा फेला परेका थिए।
