डडेल्धुरा ः माध्यमिक शिक्षा परीक्षा एसईई ग्रेड वृद्धिका परीक्षा भोली देखि हुँदै छन् । डडेल्धुराबाट एसइइ ग्रेडवृद्धि परीक्षामा १९ सय १८ विद्यार्थी सहभागी हुने शिक्षा विकास तथा समन्वय इकाई डडेल्धुराका सूचना अधिकारी केश्व जोशीले जानकारी दिए ।
भोलि र पर्सि १२ गते हुने परीक्षाका लागि डडेल्धुरामा सबै तयारी पुराभएको बताइएको छ । चार ओटा केन्द्र तोकिएका छन् । भोली पहिलो दिन अनिवार्य अंग्रेजी र एउटामात्रै विषयको परीक्षा दिनहरूको परीक्षा हुनेछ । साथै, दुई विषयको परीक्षा दिनेहरूले सानो कोड भएको विषयको परीक्षा ११ गते नै दिनु पर्नेछ । १२ गते दुई विषयका लागि फाराम भरेका विद्यार्थीको ठूलो कोड भएको विषयको परीक्षा हुने शिक्षा विकास तथा समन्वय इकाई डडेल्धुराका सूचना जोशीले बताए । परीक्षा बिहान ८ बजे देखी सञ्चालन हुने बताइएको छ भने विद्यार्थीहरु गाँउबाट सदरमुकाम आउदा उनीहरुलाई वसाई व्यवस्थापन समस्या भएको देख्न सकिन्छ ।
