कैलाली- यौन हिंसाको आरोपमा अत्तरीयामा रहेको बौद्ध गुम्बाका संरक्षक पक्राउ परेका छन्। बालिकामाथि यौन हिंसा गरेको आरोपमा प्रहरीले गोदावरी नगरपालिका –२ वनखेतमा रहेको अहिंसावादी विश्व शान्ति धर्म चक्र बौद्ध गुम्बाका संरक्षक गणेश मोक्तान लामालाई पक्राउ गरेको हो।
गुम्बामा रहेका बालिकामाथि यौन हिंसा गरेको आरोप लागेपछि पक्राउ गरी अनुसन्धानका लागि जिल्ला प्रहरी कार्यालय धनगढी ल्याइएको छ। संरक्षक लामाले आफूहरुमाथि यौन हिंसा गरेको गुम्बामा रहेका केही बालिकाले सार्वजनिक रुपमा बताएपछि बिहीबार प्रहरीको टोली गुम्बामा पुगेको थियो।
२०६५ सालमा स्थापना भएको उक्त गुम्बामा लामाले आश्रित बालबालिकालाई पढाउँदै आएका थिए।
