कैलालीको गोदावरीमा बाघले गोरु मारेको छ । जिल्लाको गोदावरी नगरपालिका -१ मनहारामा सोमबार बिहान फेरी बाघले गोरु मारेको हो ।
गेटा मेडिकल संगै जोडिएको जंगल छेउमा बाघले गोरु खाएको अवस्थामा फेला परेको स्थानिय मान बहादुर बालायरले बताए । ईलाका प्रहरी कार्यालय मालाखेतीका डिएसपी प्रेम बहादुर शाहीले बेवारिसे गोरु बाघले मारेको बताए ।
यसअघि बाघले गोदावरी नगरपालिका १ कै चैतन्यपुरमा २ बाख्रा, मनहरामा १ बाख्रा र वडा नम्बर २ को खौरानामा ६ वटा बाख्रा मारेको थियो । बाघले दैनिक जसो जनावर खान थाले पछि स्थानिय भने त्रसित बनेका छन ।
