कास्की । पोखरामा थप दुईजना कोरोना संक्रमितको मृत्यु भएको छ । मृत्यु हुनेमा पोखराकी एक महिला र तनहुँका एक पुरुष रहेका छन् ।
प्रदेशको स्वास्थ्य निर्देशनालयका अनुसार तनहुँको म्याग्दे गाउँपालिका २ का ६० वर्षीय पुरुषको आइतबार बिहान उपचारका क्रममा पोखरा स्वास्थ्य विज्ञान प्रतिष्ठान पोखरामा मृत्यु भएको हो । उनमा मंसिर २४ गते कोरोना संक्रमण पुष्टि भएको थियो ।
त्यस्तै पोखरा महानगरपालिका १७ की ७४ वर्षीय कोरोना संक्रमित महिलाको पनि मंसिर २७ गते बेलुका उपचारका क्रममा मृत्यु भएको थियो। मंसिर २६ गते कोरोना संक्रमण भएपछि मणिपाल अस्पतालमा उपचार गराइरहेकी उनको शनिबार बेलुका मृत्यु भएको हो ।
आज थपिएका २ जनासँगै प्रदेशमा कोरोना संक्रमणबाट मृत्यु हुनेको कुल संख्या १८४ पुगेको स्वास्थ्य निदेशनालय गण्डकीले जानकारी दिएको छ।
