कञ्चनपुर – बेदकोट नगरपालिका–२ स्थित बसन्थलामा विवाहमा खाना खाएर विरामी भएका सय भन्दा बढी जनाको नगरपालिकाको पहलमा उपचार भैरहेको नगरपालिकाले जनाएको छ ।
बिहिवार स्थानीय रमेश थापाको बिहेमा भोज खाएपछि बिरामी परेका ५० जनाको महाकाली अस्पतालमा उपचार भएको छ भने बाकी विरामीको बसन्थला गाउँमै स्वास्थ्य शिविर लगाएर चेकजाँच तथा औषधी उपचार गरेकोे छ ।
बिहिबार बिवाह भोजमा खाना खाएकाहरु शुक्रबार साझ एकाएक बिरामी भएपछि सोही राती नै नगरपालिकाको पहलमा २९ जनालाई अस्पताल पु¥याएको बेदकोट नगरपालिकाका नगरप्रमुख अशोककुमार चन्दले बताए ।
बिहेमा भोज खाएका सयजना बढी बिरामी परेपछि ५२ जनाको अस्पतालमा उपचार भइरहेको र बाकी बिरामीको गाउँमै नगरपालिकाबाट औषधी उपचार व्यवस्था गरिएको बेदकोट नपा– २ का वडाध्यक्ष नरेश बहादुर सिहले वताए । उनीहरुमा ज्वरो आउने, पखाला र वान्ता लाग्ने समस्या देखिएको वडाध्यक्ष सिहले वताए ।
बिवाह भोजकोे खानामा खराबीका कारण फूड प्वोइजन भएको जनाउँदै चिकित्सकले विरामीहरुकोे अवस्था खतरामुक्त रहेकोे बताए ।
याे पनि पढनुहाेस
