धनगढीः कैलालीको धनगढी उपमहानगरपालिकाका मेयर गोपाल हमालले अरूले पार्टी रोज्दा आफूले जनतालाई रोजेको बताएका छन्। उनले सामाजिक सञ्जालमार्फत आफ्नो राजनीतिक धारणा सार्वजनिक गर्दै ‘सबैले पार्टी रोजे, मैले जनता रोजेँ’ भन्ने सन्देश फेसबुकमा लेखेका हुन्।
२०७४ सालको स्थानीय तह निर्वाचनमा धनगढीकै मेयर पदमा स्वतन्त्र उम्मेदवार बनेका हमाल नेपाली कांग्रेसका नृपबहादुर वडसँग २ हजार ७०० मतान्तरले पराजित भएका थिए। तर २०७९ सालको स्थानीय तह निर्वाचनमा भने उनले उनै वडलाई पराजित गर्दै मेयर पदमा विजयी हुन सफल भए।
