बझाङः बझाङमा मालबाहाक ट्रक दुर्घटना भएको छ । जिल्लाको जयपृथ्वी राजमार्ग अन्तर्गत पर्ने छबिस पाथिभेरा गाउँपालिका–१ स्थित जालेबगरमा सुख्खा पहिरो लागेको ठाँउमा ट्रक दुर्घटनामा परेको हो । आज दिउँसो ४ बजेको समयमा सदरमुकाम चैनपुर आउँदै गरेको से १ ख ३६९१ नम्बरको ट्रक सडकको मुनिपट्टिको भाग भाँसिएर दुर्घटनामा परेको हो ।
मालबाहक ट्रक सडकबाट करिब ५ मिटर तल खसेको र ट्रक चालक बैतडि सिगास घर भएका २८ वर्षीय पवेन्द्र चन्द सकुशल रहेका जिल्ला प्रहरि कार्यालय बझाङले जनाएको छ । ट्रकमा बोकेको लगभग ५ टन चामल नष्ट भएको छ ।जालेबगर नजिकै बालुवाटारमा गत महिना देखी सुख्खा पहिरो संगै ढुंगा आइरहेको छ । उक्त ठाउँमा बेलाबेलामा सडक अवरुद्ध हुने, जोखीमको यात्रा गर्नुपर्ने समस्या रहेको छ ।
