महेन्द्रनगर- कञ्चनपुरमा मोटरसाइकल दुर्घटना हुँदा एकजनाको मृत्यु भएको छ। एक जना घाइते भएका छन्।
जिल्लाको महाकाली नगरपालिका वडा नम्वर ३ दोधाराचादनीमा एचआर २६ डिडि ५०४१ नम्वरको मोटरसाइकल दुर्घटना हुँदा मोटरसाइकल चालक २० वर्षीय गगन सुनारको मृत्यु भएको हो।
जिल्ला प्रहरी कार्यालय कञ्चनपुरका प्रवक्ता तथा प्रहरी नायव उपरिक्षक अमरवहादुर थापाक्षेत्रीले मोटरसाइकल अनियन्त्रित भएर दुर्घटना भएको बताए।
२३ वर्षीय मोटरसाइकलमा सवार करन बुढा घाइते भएका छन्। उनलाई उपचारका लागि धनगढी पठाइएको प्रहरी नायव उपरीक्षक थापाक्षेत्रीले बताए।
