लम्की। कैलालीमा लम्कीचुहा नगरपालिका –१ लम्कीमा चट्याङ लागेर १३ वर्षीया अन्जु शाहीको घटना स्थलमै मृत्यु भएको हो ।
जंगलमा बाख्रा चराउन गएका बेला उनलाई चट्याङ लागेको थियो । यस्तै चट्याङबाटै सोही ठाउँकी १४ वर्षीया भावना शर्मा घाइते भएकी छिन ।
उनको अहिले लम्कीमा रहेको लालरत्न अस्पतालमा उपचार भइरहेको प्रहरीले जनाएको छ ।
मृतक अन्जुको शव भने पोस्टमार्टमको लागि टिकापुर अस्पताल लगिएको इलाका प्रहरी कार्यालय लम्कीले जानकारी दिएको छ ।
