कञ्चनपुर- कञ्चनपुरको लालझाडीमा ५१ वर्षिया महिलालाई जबरजस्तीकरणी गरेको आरोपमा एक जना युवकलाई प्रहरीले पक्राउ गरेको छ ।
इलाका प्रहरी कार्यालय बेलौरीका प्रहरी निरीक्षक कमल कुमार खड्काका अनुसार, लालझाडी गाउँपालिका वडा नम्बर ६ चान्देव बस्ने ३२ वर्षीय बीर बहादुर चौधरीलाई पक्राउ गरिएको हो ।
गएराति ती महिलाको घरमै गई जबरजस्तीकरणी गरेको आरोपमा उजुरी आएपछि चौधरीलाई बुधबार दिउँसो पक्राउ गरिएको बताइएको छ । घटनाको थप अनुसन्धान भइरहेको प्रहरीले जनाएको छ ।
