ग्रामिण महिला विकास तथा एकता केन्द्र (रुडुक) डडेल्धुराले १११औं अन्तराष्ट्रिय महिला दिवसको अवसरमा सचेतनामुलक महिला भलिवल प्रतियोगिता संचालन गरेको छ ।
विगत २०५१ साल देखी ग्रामिण क्षेत्रका महिला, वालवालिका र अन्य नागरीकहरुको सेवामा रुडुक तल्लीन रहेको कार्यकारी निर्देशक सरस्वती खड्काले वताईन ।
सोही अनरुप महिलाको उत्थान स्वरुप १११औं अन्तराष्ट्रिय महिला दिवस लक्षित महिला भलिवल प्रतियोगिता संचालन गरेको ऊनले बताईन ।
महिलाहरुलाई हरेक क्षेत्रमा शसक्त वनाउने , रुडुकका संस्थापक अध्यक्ष डा.आरजु राणा देउवा र रुडुकको लक्ष्य हो । कसरी लैङ्गीक हिंसा कम हुन्छ हाम्रो प्रयास जारी छ खड्काले भनीन ।
रुडुक डडेल्धुराले आईतवार फागुन २३ गते जिल्लाको ठूलो भुगोल क्षेत्र र अत्यधिक जनसंख्या ओगटेको परशुराम नगरपालिकामा महिला भलिवल प्रतियोगितामा संचालन गरेको हो ।
परशुराम नगरपालिकाकाका उप–प्रमुख तथा रुडुक डडेल्धुराका कार्य समिती सदस्य कलावती देबी बोहराको अध्यक्षता तथा नगर–प्रमुख भीम बहादुर साउँदको प्रमुख आथित्यतामा प्रतियोगिता संचालन भएको हो ।
आठ महिला टिमको सहभागितामा संचालन भएको एक दिवसीय प्रतियोगितामा जगदम्वा आमा समुह परशुराम ४ कटाल विजयी भएको छ ।
भित्री मधेष क्षेत्रको पहिलो एफ.एम. रेडियो रेडियो परशुराम एफ.एम.९१.२ मेगाहर्ज जोगबुडा दोस्रो भएको छ ।
महिला एकता समुह परशुराम १२ जोगबुडा तेस्रो भएको प्रतियोगिताका प्रमुख रेफ्रि लक्ष्मण सिह मडैले जानकारी दिए ।
प्रतियोगीतामा प्रथम, द्वितिय र तृतिय टिमलाई फागुन २४ गते १११औं महिला दिवसको अवसरमा पुरुस्कार ,प्रमाण पत्र ट्रफि वितरण गरीने रुडुक ट्रोसा कार्यक्रम संयोजक अम्मर साउँदले गाउँघरन्यूज लाई जानरकारी दिए ।
महिलाहरु पनि हरेक क्षेत्रमा सवल छन । चुलो र चौकोमा सिमीत नरही राजनैतिक, सामाजिक क्षेत्रमा महिलाको प्रतिनिधित्व बढाउने उदेश्यले विबिध कार्यक्रम संचालन गरी महिलाको उत्थान हुने कार्यक्रमका प्रमुख अतिथी तथा परशुराम नगरपालिकाका नगर प्रमुख भीम बहादुर साउँदले बताए ।
