काठमाडौं । नेपाल कम्युनिस्ट पार्टी (नेकपा) प्रचण्ड–नेपाल समूहका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीले अविश्वासको प्रस्ताव ल्याउन बाध्य पारेको बताएका छन् ।
आज उक्त समूहको सिंहदरबारमा बसेको संसदीय दलको बैठकपछि बाहिरिने क्रममा सञ्चारकर्मीलाई प्रतिक्रिया दिँदै आगामी दिन सहज बनाउन ओलीले अविलम्ब राजीनामा दिनु देश र उनका लागि सहज हुने प्रचण्डले बताए ।
भावी प्रधानमन्त्रीको विषयमा अरु दलहरुसँग छलफल गरेपछि मात्रै आफूहरु निर्णयमा पनि उनको भनाइ छ । “अहिले हामी छलफलमै छौँ । संसद् विघटन गर्ने कदमलाई अलोकतान्त्रिक, स्वेच्छाचारी भनेर सडकमा गएका दलहरुसँग मुद्दाका हिसाबले हाम्रो सहकार्य हुन्छ । आन्दोलनमा सहकार्य भयो । छलफलमा छौँ, एक–दुई दिनमा टुंगो लाग्छ,” उनले भने ।
उनले आफू संसदीय दलको नेता बन्नुलाई अवसर र चुनौतीको रूपमा लिएको उल्लेख गरे । ओली गुट र ‘भ्रम’मा रहेका नेता–कार्यकर्तालाई आधिकारिक पार्टी आफ्नै भएकाले यतै आउन पनि प्रचण्डले आग्रह गरे ।
