कैलाली प्रहरीले गोदावरी नगरपालिका–५ का ३६ वर्षीय शिवचरण रानाको हत्या घटनाका मुख्य अभियुक्तलाई पक्राउ गरेर आज सार्वजनिक गरेको छ ।
जिल्ला प्रहरी कार्यालयले सोही ठाउँकै ३७ वर्षीया जयन्ती चौधरीलाई पक्राउ गरेर सार्वजनिक गरेको हो ।
उनकै योजनामा गत फागुन १५ गते विहान ४ देखि ५ बजेको बीचमा रानाको हत्या भएको प्रहरीले जनाएको छ ।
निर्माणाधीन गेंटा मेडिकल कलेजको खाल्डोमा मृतकको शव फेला परेको थियो । घटनामा संलग्न दुई जना फरार रहेको जनाइएको छ ।
मृतक र चौधरीबीच पाँच वर्षदेखि प्रेम सम्बन्ध रहेको प्रहरीले जनाएको छ ।
