काठमाडौँ– सरकारले फागुन २३ गते आइतबार संसद् बैठक बोलाउन राष्ट्रपति समक्ष सिफारिस गरेको छ ।
प्रधानमन्त्री केपी शर्मा ओलीको बालुवाटारस्थित निवासमा बसेको बैठकले फागुन २३ गते संसद् बैठक बोलाउन राष्ट्रपति विद्यादेवी भण्डारीसमक्ष सिफारिस गर्ने निर्णय गरेको हो ।
सर्वोच्च अदालतले गत मंगलबार सरकारको सिफारिसमा राष्ट्रपतिले गरेको संसद् विघटन बदर गर्दै १३ दिनभित्र संसद बैठक बोलाउन राष्ट्रपति र प्रधानमन्त्रीका नाममा निर्देशनात्मक आदेश दिएको थियो ।
