क्रिकेटर उमर अकमल माथि लागेको प्रतिबन्ध छ महिना घटाइएको छ । पाकिस्तान क्रिकेट टिमका ब्याट्सम्यान उमर अकमल म्याच फिक्सिङमा दोषी ठहर भएका थिए।
उनीलाई सन् २०२० फेब्रुअरी २० मा १८ महिनाको प्रतिबन्ध लगाइएको थियो । गत वर्ष पाकिस्तान सुपर लिगको पाँचौं संस्करण सुरु हुनुभन्दा केही घण्टा अघि मात्रै उनलाई निलम्बन गरिएको थियो ।
उनको प्रतिबन्ध छ महिना कम गरिएपनि २७ हजार अमेरिकी डलर जरिवाना तिर्नुका साथै पाकिस्तान क्रिकेट बोर्डले सञ्चालन गरेको पुर्नस्थापनाको कार्यक्रममा सहभागी हुनुपर्नेछ ।
सन् २०२० को जनवरीमा म्याच फिक्स गर्ने प्रस्ताव गरेको आरोप लागेका उमरलाई पीसीबीले छानबिन गरी दोषी ठहर गर्दै उनमाथि प्रतिबन्ध लगाएको थियो ।
