धनगढी, १४ फागुन । लागु औषधसहित कञ्चनपर प्रहरीले २ जनालाई पक्राउ गरेको छ ।
जिल्लाको वेदकोट नगरपालिका–१० बस्ने २३ वर्षीय पुष्पमणी थापा र ३० वर्षीय महेश बिष्टलाई लागु औषधसहित पक्राउ गरिएको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक अमर बहादुर थापाले दोधाराचाँदनी झोलुङ पुलबाट महेन्द्रनगरतर्फ आउने क्रममा से २ प ३० नम्बरको मोटरसाइकल चेकजाँच गर्दा २ दशमलव ४७ ग्राम खैरो हिरोईन र १ दशमलव १४ ग्राम चरेश सहित दुवै जनालाई पक्राउ गरिएको जानकारी दिए ।
उनीहरुलाई नियन्त्रणमा लिएर थप अनुसन्धान भइरहेको प्रहरीले जनाएको छ।
