धनगढी,९ फागुन । धनगढीको जय मालिका ईंलिस बोर्डिङ स्कुलमा आईतबार ट्राफिक सम्बन्धी सचेतनामुलक कक्षा संचालन गरिएको छ ।
जिल्ला ट्राफिक प्रहरी कार्यालयका प्रमुख तथा प्रहरी निरिक्षक बिरेन्द्र बहादुर बोहरा सहितको टोलिले कक्षा ७ र ८ मा अध्ययनरत विद्यार्थीहरुलाई ट्राफिक सम्बन्धी सचेतनामुलक जानकारी दिएको हो ।
ट्राफिक नियम, लेन अनुशासन,दुर्घटनाका कारणहरू तथा दुर्घटनाबाट बच्ने उपायहरू सम्बन्धि ट्राफिक सचेतनामुलक कक्षा सञ्चालन गरिएको थियो ।
कक्षा ७ र ८ मा अध्ययनरत ५० जना छात्र छात्राहरूका सहभागिता रहेको थियो । समुदाय प्रहरी साझेदारी कार्यक्रम अन्तर्गत ट्राफिक सम्बन्धी सचेतनामुलक कक्षा संचालन गरिएको हो ।
