डडेल्धुरा — बजारमा अखाद्य वस्तु बेच बिखनका मुद्दा अदालत पुग्दा घरेलु तथा साना उद्योग कार्यालय डडेलधुराले बजार अनुगमन थालेको छ । घरेलु तथा साना उद्योग कार्यालको संयोजकत्वमा गठित बजार अनुगमन समितिले सोमबार देखि डडेलधुरा सदरमुकाम क्षेत्रमा बजार अनुगमन गरिरहेको छ ।
लमो समय देखी बजार अनुगमन हुन नसकेको समयमा बजारको अवस्थाका बारेमा जानकारी लिई उपभोक्ता हित संरक्षणका लागि नियमित कार्यक्रम अनुसार बजार अनुगमन गरिदै छ ।
पहिलो दिन जिल्ला सदरमुकाको बागबजारमा रहेका पसल, होटेल सहित अन्य व्यसायीक फर्महरुको अनुगमन गरिएको छ भने यो अनुगमन लार्य शनिवार सम्म निरन्तरता दिईने छ ।
अनुगमनका क्रममा पसलको फर्म नविकरण नगरिएको, साईनबोर्ड नराखीएकोे, मुल्यसुची नराखीएको पाइएको घरेलु तथा साना उद्योग कार्यालय प्रमुख केशव भण्डारीले बताए ।
म्याद सकिएका खाद्य वस्तुलाई नियनत्रणमा लिई नष्ट गरिएको छ । नियम पालना नगरि संचालन भएका व्यापारीलाई पहिलो पटकका लागि तिन दिन भित्र सम्पुर्ण प्रक्रिया पुरा गर्न पत्राचार गरिएको घरेलु तथा साना उद्योग कार्यालय डडेल्धुराले जनाएको छ । बजार अनुगमनलाई निरन्तरता दिईने समेत कार्यालयले जनाएको छ ।
