कञ्चनपुर, २४ माघ । कञ्चनपुरमा जंगली बँदेल र मोटरसाइकल एकआपसमा ठोक्किँदा २ जना घाइते भएका छन् ।
कञ्चनपुरको शुक्लाफाँटा राष्ट्रिय निकुञ्ज क्षेत्रभित्र पर्ने दैजी–बेलडाँडी सडकखण्डमा जंगली बँदेल र मोटरसाइकल एकापसमा ठोक्किँदा मोटरसाइकलमा सवार २ जना घाइते भएका हुन् ।
बँदेलको भने घटनास्थलमै मृत्यु भएको जिल्ला प्रहरी कार्यालय कञ्चनपुरले जनाएको छ ।
मोटरसाइकल चालक बेलौरी नगरपालिका १० भुडाका ३२ वर्षीय प्रमोद राना र सोही मोटरसाइकलमा सवार ३५ वर्षीय उपदेव राना दुर्घटनामा परेका प्रहरीले जनाएको छ ।
कञ्चनपुर प्रहरीका अनुसार घाइते दुवै जनालाई थप उपचारका लागि धनगढी ल्याइएको र चालक प्रमोद रानाको अवस्था गम्भीर रहेको प्रहरीले जनाएको छ ।
