कैलाली- धनगढी नगर बाल सञ्जालले कैलालीले बैतडीकी भागरथि भट्ट घटनामा दोषिको खोज तलास गरि दोषिलाई कडा भन्दा कडा सजाय दिन सरकार संग माग संगै श्रध्दान्जलि अर्पण गरेको छ।
विज्ञप्तिमा लेखिएको छस् घटना बाट हामी सबै स्तब्ध भएका छौं। मृतक बहिनी भागरथी भट्ट प्रती भावपुर्ण श्रद्धाञ्जली अपर्ण गर्दै शोकाकुल परिवारजनमा गहिरो संवेदना व्यक्त गर्दछौं।
उक्त घटनाको सत्यतथ्य छानबिन गरि सारा मानवीय मुल्य मान्यता माथी चुनौती खडा गर्ने यस्तो हिंसक र अपराधी घटनामा संलग्न दोषीलाई छिटोभन्दा छिटो कानुनी कठघरामा उभ्याई हदै सम्मको कार्वाहीका लागि संबंधित निकायको सङ्ग जोडदार माग गर्दछौं।
बैतडी जिल्लाको दोगडाकेदार गाउँपालिका–०७ सनातन धर्म माध्यमिक विद्यालय कक्षा १२ मा अध्ययनरत १७ वर्षीया विद्यार्थी भागरथी भट्ट बिहीबार लवलेक सामुदायिक वनमा मृत भेटिएकी थिईन।
बुधवार घरबाट विद्यालय गएकी भागरथी भट्ट साँझ घर नफर्केपछि खोजी गर्दै जाँदा बिहीबार साँझ ५ बजेतिर शव हत्या गरी फालिएको अवस्थामा जङ्गलमा फेला परेको थियो । उनको बलात्कारपछि हत्या गरिएको आशंका गरिएको छ।
