दिपक राज दिर्घायु/डडेल्धुरा-डडेल्धुरामा बाघको छाला सहित एकजना पक्राउ परेका छन। अमरगढी नगरपालीका-०६ तोलीको दशरथचन्दँ राजमार्ग सडकखण्डमा अजयमेरु गाउँपालीका १ बस्ने २९ बर्षिय जगत सिहँ भण्डारीलाई पक्राउ गरिएको जिल्ला प्रहरी कार्यालय डडेल्धुराले जनाएको छ।
सुदूरपश्चिम प्रदेश प्रहरी अनुसन्धान ब्युरो र जिल्ला प्रहरी कार्यालय डडेल्धुराको सयुक्त टोलीले चेकजाच गर्ने क्रममा सु प प्र ०४००१ प ०५४८ नम्बरको मोटरसाईकबाट अबैद छाला सहित उनलाई पक्राउ गरेको हो।
पक्राउ परेका भण्डारीको साथबाट भालुको ठुलो पित्त एक थान, ठुलो बाघको जस्तो देखिने छाला एक थान, सानो बाघको जस्तो देखिने छाला एक थान बारमद गरिएको प्रहरीले जनाएको छ।
पक्राउ परेका भण्डारीलाई आवश्यक कारबाहिको लागी डिभिजन बन कार्यालय डडेल्धुरामा बुझाएको जिल्ला प्रहरी कार्यालय डडेल्धुराले जनाएको छ।
माघ १० गते साझ ५ बजेतिर भण्डारीलाई पक्राउ गरिएको भएपनि डडेल्धुरा प्रहरीले आज माघ १८ गते आईतबार मात्रै जनाकारी गराएको हो।
