दिपक ओझा/अत्तरिया :- कृष्णपुर नगरपालिकामा २०७७/८/१२ गते प्रकासित सुचनामा भूमिहीन दलित, भुमिहिन सुकुम्बासी र अव्यवस्थित बसोबासीको लगत संकलन, पहिचान र प्रमाणीकरणको कामका लागि आवश्यक कर्मचारी आफ्नै मनमानी ढंगले नियुक्त गरेको भन्दै युबाहरुले आक्रोश व्यक्त गरेका छन ।
विधि पुर्याउनका लागि मात्रै नगरपालिकाले सूचना प्रकासन तथा परिक्षा लिएको तर अन्तिममा भने आफुले चाहाइएको व्यक्तिलाई भित्रैबाट सेट्ल्मेन्ट गरेर नियुक्ति दिएको भनी आरोप लगाएका हुन ।
नाम खुलाउन न चाहाने एक जना भन्नू हुन्छ “सोधपुछ गर्न बोलाउदा खाली नाम मात्रै सोधेर बाहिर पठाए भित्र सबै कुरा मिलाएको रहेछ हामीलाई खाली काटुन बनाए ”
समाचार साखले नगरपालिकालाई सो बारे बुझन्न खोज्दा मेयर कर्ण बाहादुर हमाल र प्रमुख प्रसाशकिय अधिकृत शिव राज भण्डारीको फोन नउठेपछि उपमेयर भन्नु हुन्छ त्यस्तो केही न भएको र सबै गलत रहेको बताइन ।
तर सोहि परिक्षामा समाबेश हुनुभएकि एक उमेदवार भने आफुलाइ विषय भन्दा बाहिर रहेर अनावश्यक सोधेको बताइन ।
