बाजुरा, ५ माघ । बाजुराको बडिमालिका नगरपालिका–५ स्थित मना गाउँ अझै सडक सञ्जालको पहुँचमा आउन सकेको छैन । नगरपालिका अन्य सबै गाउँ सडक सञ्जालले जोडिएपनि मना गाउँ अझै सडक सञ्जालविहीन रहेको छ ।
जडाङ्गा देखि झण्डै ५ किलो मिटरको दूरीमा रहेको मना गाउँ जाने बाटोको बिच–बिचमा ठूलठूला चट्टान फोड्न गाउँपालिकाको बजेटले मात्र नभ्याएपछि मना गाउँ अझैँ सडक सञ्जालको पहुँचबाट बञ्चित रहँदै आएको हो ।
गाउँमा अन्य भौतिक विकास निर्माणका कार्यक्रम सञ्चालन हुँदै आएपनि सडक सञ्जाल नजोडिएपछि भीरको बाटोमा सामान ओसारपसार गर्न सास्ती खेप्दै आएको बडिमालिका नगरपालिका ५ का स्थानीय मनबहादुर साउँदले बताए ।
सडक नजोडिएपछि अहिले मना गाउँका स्थानीय तिपाडाबाट गाउँसम्म सामान ओसारपसार गर्न रज्जुमार्गको प्रयोग गर्दै आएका छन् ।
२०७३ पुसमा तीपाडा ेखि मनागाउँ जोड्ने ९०८ मिटर लामो रज्जुमार्ग यहाँका चार सय ४० घरपरिवारका स्थानीयका लागि एकमात्र ओसारपसारको साधन बनेको साउँदले बताए । साभार : गोरखापत्र अनलाइन
