मुम्बई । अभिनेत्री मौनी रायले विवाह गर्ने भएकी छन् । आइतबार बिहानैदेखि उनको विवाहको समचारले सामाजिक संजाल तातेको छ । उनले दुवई निवासी सुरज नान्बियारसँग विवाह गर्न लागेकी हुन् । दुवै पछिल्लो केही समयदेखि एकअर्काेसँग डेटमा रमाउदै आएका थिए ।
मौरी लकडाउनको सुरुको समयदेखि नै दुवईमा बस्दै आएकी छिन् । उनी सामाजिक संजाल मार्फत फ्यानसँग पर्सनल जीवनका बिषयहरु समेत शेयर गर्ने गर्दछिन् । केही दिन अगाडि उनले आफ्नो सम्बन्धको खुलासा गर्दै सुरज र उनको परिवारका साथ तस्बिर समेत सार्वजनिक गरेकी थिइन् ।
मौरी छिट्टै फिल्म ‘ब्रहास्त्र’मा समेत देखिदैछिन् । यो फिल्मका उनको अलवा आलिया भट्ट, रणवीर कपुर र अमिताभ बच्चनको समेत मुख्य भुमिका रहेको छ ।
