धनगढी, २४ पुस । संसद बिघटनपछि पहिलो पटक उपत्यका बाहिरका जनतालाई सम्बोधन गर्न आज सुदूरपश्चिम आउदै गरेका प्रधानमन्त्री केपी शर्मा ओलीको आमसभाको सुरक्षाका लागि व्यापक सुरक्षा ब्यवस्था गरिएको छ ।
नेकपाद्धारा आज धनगढीमा आयोजना गर्न लागिएको आमसभालाई सम्बोधन गर्न प्रधानमन्त्री तथा पार्टी अध्यक्ष ओली आउदैछन् ।
संसद बिघटन र नेकपा बिभाजनपछि नेकपाद्धारा आयोजित यो पहिलो आमसभा हो ।
प्रधानमन्त्री ओली तथा आमसभाको सुरक्षाका लागि एक हजार भन्दा बढीको हाराहारीमा सशस्त्र प्रहरी र प्रहरी परिचालन गरिएको छ । झण्डै सयको हाराहारीमा सादा पोशाकमा प्रहरी खटिएका छन् ।
