धनगढी- नगर बाल सञ्जाल धनगढीको आयोजना र धनगढी उपमहानगरपालिकाको समन्वयमा धनगढी उप महानगरपालिका वडा नं १ मा वडा स्तरीय बाल क्लव गठन कार्यक्रम सम्पन्न पाएको छ ।
विभिन्न क्रियाकलापमा बालबालिकालाई प्रत्यक्ष रुपमा सक्रिय गराइ बालबालिकाका समस्या पहिचान गरि त्यसको समाधानको लागि कदम चाल्ने उद्देश्यले प्रत्येक वडामा वडा स्तरीय बाल क्लब गठन गरिरहेको छ ।
बिभिन्न प्राकृतिक तथा कृत्रिम सङ्कटमा बालबालिकालाइ बढी जोखिम हुने हुदा त्यस्ता जोखिम न्यूनीकरणका लागि अपनाउन सकिने क्रियाकलाप र सामूहिक काममा बालबालिकाको भूमिकालाई अग्रसर गराउन यस्ता क्लब बनाउनु आवश्यक पर्ने हुँदा यस्तो कदम चालेको बताइएको छ।
कार्यक्रममा वडा नं १ का वडा अध्यक्ष तथा नगर प्रवक्ता सन्तोष मुडभरी, युवा शान्ति परिषद् कैलाली जिल्ला अध्यक्ष प्रेम ढुंगाना, नगर बाल सञ्जाल धनगढीका पदाधिकारी र वडाका बालबालिकाको प्रत्यक्ष सहभागी रहेको थियो।
उक्त वडा स्तरीय बाल क्लवको अध्यक्षमा पुस्पा न्यौपाने, उपाध्यक्षमा अर्जुन विक,सचिवमा शुशिला धामी सहसचिवमा बीरेन्द्र प्रसाद भट्ट ,कोषाध्यक्षमा पूजा मल्ल र कार्यसमिति सदस्यमा निकिता जैगडी, गोविन्द कोली,शैलेश सेवक र प्रिज्मा ठाकुर सहितको वडा नं १ काे वडा स्तरीय बाल क्लबको नौ सदस्यीय तथर्थ समिति गठन गरिएको छ।
