धनगढी, २२ पुष । सुदूरपश्चिमको अस्थायी राजधानी धनगढीमा ४ वर्षीया बालिकामाथि बलात्कार गरेकोे आरोपमा एक युवक पक्राउ परेका छन्।
जिल्ला प्रहरी कार्यालयका प्रवक्ता प्रहरी नायब उपरीक्षक प्रतीक बिष्टले धनगढी उप–महानगरपालिका–९ की ४ वर्षीया बालिकामाथि बलात्कार भएको बताए।
बलात्कार गरेको आरोपमा भारतको उत्तरप्रदेशका १९ वर्षीय रविकुमार कोरीलाई पक्राउ गरिएको प्रहरी नायब उपरीक्षक बिष्टले बताए।
उनका अनुसार पीडित पक्षले दिएको जाहेरीका आधारमा निजलाई पक्राउ गरि घटनाको अनुसन्धान भइरहेको छ। कोरीले मामाघरमा आएका बेला बालिकामाथि बलात्कार गरेको बुझिएको प्रहरीले जनाएको छ।
