कञ्चनपुर । माछापुच्छ्रे बैङ्कले कञ्चनपुरको पुनर्वास नगरपालिका वडा नम्बर ११ अमरबस्तीमा आफ्नो नयाँ शाखा सञ्चालनमा ल्याएको छ । बैङ्कले ग्राहकको आवश्यकतालाई ध्यानमा राखेर उक्त शाखा सञ्चालनमा ल्याएको हो ।बैंककोे एक कार्यक्रमका बिच पुनर्वास नगरपालिकाका नगर प्रमुख जीवनराज थापाले उद्घाटन गरेका हुन् ।
उद्घाटन कार्यक्रममा बोल्दै नगरप्रमुख थापाले नेपाल अहिले आर्थिक समृद्धिको बाटोमा हिँडिरहेका बेला अहिलेको यो समयमा ग्रामीण क्षेत्रबाटै यो सेवा सुचारु हुँदा यहाँका नागरिकहरूलाई सहज हुने विश्वास व्यक्त गरे । उनले यहाँका जनताले धनगढी लगायत अन्य क्षेत्रमा जानुपर्ने बाध्यताको अन्य भएको बताए ।
माछापुच्छ्रे बैङ्क धनगढीका प्रबन्धक मान बहादुर साउदले सहरमा मात्रै केन्द्रित नभएर ग्रामीण क्षेत्रबाट पनि सेवा दिने उद्देश्यले पुनर्वासमा पनि बैकको शाखा स्थापना गरेको बताए । माछापुच्छ्रे बैकको १४९ औँ शाखाको रूपमा यो शाखा स्थापना भएको हो । उनले इन्टरनेट बैङ्किङ, मोबाइल बैङ्किङ सेवा सञ्चालन गरिरहेकोले आफ्ना बैङ्कका ग्राहकलाई खल्तीमा पैसा हैन खल्तीमा एटिएम कार्ड बोकेर हिँड्न अनुरोध समेत गरे ।
यता पुनर्वास नगरपालिका वडा नम्बर ११ का वडा अध्यक्ष तुलसी अर्यालले माछापुच्छ्रे बैङ्कले नगरवासिलाई सस्तो, सर्वसुलभ व्याजदरमा ऋण उपलब्ध गराउँछ भन्ने अपेक्षा लिएको बताए । माछापुच्छ्रे बैङ्क पुनर्वास शाखाका प्रबन्धक गजेन्द्र भण्डारीले यहाँ अहिले सम्म कुनै पनि बैकहरू नहुँदा बैकको सामान्य कामका लागी पनि टाढा जानुपर्ने बाध्यता रहेकोले अब त्यो समस्या नहुने बताए ।
नयाँ शाखा मार्फत आफ्ना ग्राहकलाई कर्जा, निक्षेप लगायतका सम्पूर्ण बैङ्किङ सुविधा उपलब्ध रहेकोले सम्पूर्ण नगरबासीलाई सेवा लिन समेत अनुरोध गरेका छन् ।
