२ पुस, काठमाडौं । सत्तारुढ नेपाल कम्युनिष्ट पार्टी (नेकपा) को स्थायी कमिटी बैठक बस्नुअघि बुधबार दिउँसो प्रधानमन्त्री केपी शर्मा ओलीले विवादित अध्यादेश फिर्ता लिने मौखिक प्रतिवद्धता जनाए । त्यसपछि बसेको बैठकमा उनले प्रक्रिया पुर्याएर फिर्ता लिन समस्या नरहेको बताए ।
तर बिहीबार साँझ बसेको मन्त्रिपरिषद बैठकले अध्यादेश फिर्ता लिने निर्णय गरेन ।
पूर्वसहमतिबमोजिम संवैधानिक परिषदसम्बन्धी विवादित अध्यादेश प्रधानमन्त्री ओलीले फिर्ता नलिएपछि नेकपाभित्र फेरि आशंकाहरु जन्मिएका छन् ।
