सुदूरपश्चिम प्रदेशका थप ८८ जनामा कोरोना संक्रमण पुष्टि भएको छ । प्रदेशका ४ वटा प्रयोगशालामा गरीएको परीक्षणमा ८८ जनामा संक्रमण पुष्टि भएको हो ।
सेती प्रादेशिक अस्पताल प्रयोगशालामा पछिल्लो २४ घण्टामा १ सय ६१ जनाको परीक्षण गर्दा थप ४६ जनामा संक्रमण पुष्टि भएको हो । संक्रमण पुष्टी हुनेमा १७ महिला १६ पुरुष रहेको अस्पतालका सूचना अधिकारी दिलिपकुमार श्रेष्ठले जानकारी दिए ।
संक्रमण पुष्टी हुनेमा कैलालीको धनगढी उपमहानगरपालिकाका १९ जना, गोदावरी नगरपालिकाका ४ जना, मोहन्याल गाउपालिकाका ६ जना, जानकी गाउपालिकाका ५ जना, कैलारी गाउपालिकाका र जोशीपुर गाउपालिकाका १÷१ जनामा कोरोना पुष्टि भएको छ ।
त्यस्तै कञ्चनपुरको बेलौरी नगरपालिका र भिमदत्त नगरपालिकाका २÷२ जना, शुक्लाफाटा नगरपालिका र कञ्चनपुरको स्थानीय तह नखुलेका १÷१ जनामा पनि कोरोना पुष्टि भएको छ । उता डोटी र बैतडीका १÷१ जनामा पनि कोरोना पुष्टि भएको सूचना अधिकारी श्रेष्ठले जानकारी दिए ।
उता अछामको कमलबजार नगरपालिकाको प्रयोगशालामा ७४ जनाको परिक्षण गर्दा ६ महिला र १६ पुरुष गरी २२ जनामा कोरोना संक्रमण पुष्टि भएको छ ।
प्रयोगशालाका सुचना अधिकारी टेक बहादुर बिष्टका कमलबवार नगरपालिकाका २ जना, मंगलसेन नगरपालिकाका १८ जना, बान्नीगढीजयगढ गाँपालिकाका १ जना, तुमाखाद गाँउपलिकाका १ जना कोरोना पुष्टि भएको छ ।
यस्तै डडेल्धुरा अस्पतालको प्रयोगशालामा ११ र बझाङ अस्पतालको प्रयोगशालामा ९ जनामा कोरोना पुष्टि भएको सामाजिक बिकास मन्त्रालयले जनाएको छ ।
यो संगै सुदूरपश्चिममा कोरोना संक्रमितको संख्या ११ हजार ८ सय १६ पुगेको छ । संक्रमण पुष्टि भएका ९ हजार ६ सय ४८ डिस्चार्ज भएका छन भने हाल सम्म ४३ जना संक्रमितको मृत्यु भएको छ ।
