असिम पौडेल/ कास्की-पोखरामा जबरजस्ती करणीको आरोपमा १ जना पक्राउ परेका छन्। पोखरा महानगरपालिका वडा नं १९ पुरन्चौर घर भएका ३४ वर्षीय घनश्याम गिरी ७१ वर्षीय वृद्धालाई जबरजस्ती करणी गरेको आरोपमा पक्राउ परेका हुन् ।
जिल्ला प्रहरी कार्यालय कास्कीका प्रहरी नायब उपरीक्षक सुबास हमालले दिनुभएको जानकारी अनुसार पक्राउ पर्ने गिरीले मंसिर ९ गते रातिको समयमा वूद्घ महिलाको घरमा पसेर जबरजस्ती गर्ने प्रयास गरेका थिए।
गिरी विरूद्ध जबरजस्ती करणी उद्योग कसुर अन्तर्गत जिल्ला अदालत कास्कीले ७ दिन म्याद थप गरी अनुसन्धान अगाडि बढिरहेको हमालले बताउनुभयो ।
