कैलाली (लम्की)- कैलालीको लम्कीमा एक युवक माथि दिनदहाडै खुकुरी प्रहार भएको छ ।
लम्कीचौराहा नजिकै रहेको लम्की सार्बजनिक सौचालय अगाडिको एक सैलुनमा कपाल काटेर बाहिर निस्कने वितिकै एक समूहले लम्कीचुहा नगरपालिका वडा नम्बर १ का २८ बर्षिय रमेश बहादुर शाही माथि खुकुरी प्रहार गरेको जनाइएको छ ।
खुकुरी प्रहार बाट शाहीको दुबै काधको दायाँबायाँ गम्भीर घाउलागेको छ । भने शरीका अन्य भागमा समेत खुकुरीले काटेको छ । करीब ७/८ जनाको समूहमा आएका आक्रमणकारीहरुले आक्रमण गरेको प्रत्यक्षदर्शिले जनाएका छन ।
अहिले घाईते शाहीको लालरत्न अस्पतालमा उपचार भई रहेको छ । ईलाका प्रहरी कार्यालय लम्कीले भने आफुकहाँ घटनाको बारे कुनै उजुरी नआएको आफुले घटना भएको सुनेको र त्यहाँ प्रहरी पठाएको जानकारी दिएको छ ।
