पोखरा ,बाल संरक्षण सेवालाइ थप प्रभावकारी बनाउन र विस्तार गर्न बाल हेल्पलाइन (१०९८) नेपाल, बालबालिका खोजतलास नम्बर १०४ र सडक बालबालिका उद्धार, संरक्षण तथा व्यवस्थापन राष्ट्रिय समन्वय समितिको बैठक सम्पन्न भएको छ ।
बैठकबाट बाल हेल्पलाइन (१०९८) नेपाल १८ स्थानबाट सञ्चालन गर्न सिफारिस गर्ने, सडक बालबालिका उद्धार संरक्षणका लागि सेवा प्रदायक संस्थाको छनौट गर्ने र बालबालिका खोजतलास समन्वय केन्द्रको क्षमता विकास गर्ने निर्णय भएको छ ।
बाल हेल्पलाइन राष्ट्रिय समन्वय समितिको बैठक विगत ६ वर्षदेखि र बालबालिका खोजतलास केन्द्र (१०४) राष्ट्रिय समन्वय समितिको बैठक विगत ४ वर्षदेखि बस्न सकेको थिएन । -कास्की सम्बादाता (असिम पौडेल)
