धनगढी। सेती प्रादेशीक अस्पतालमा बुधबार थप ५४ जनामा कोरोना संक्रमण पुष्टि भएको छ ।
२४ घण्टामा १७२ जनाको कोरोना परिक्षण गरिएकोमा थप ५४ जनामा संक्रमण पुष्टी भएको सेती प्रादेशिक अस्पतालका सूचना अधिकारी दिलिपकुमार श्रेष्ठ जानकारी दिए ।
संक्रमण पुष्टी हुनेमा १५ महिला ३९ पुरुष रहेको सूचना अधिकारी श्रेष्ठ जानकारी दिए । संक्रमण पुष्टी हुनेमा कैलाली ४४ कञ्चनपुर ७ र बझाङका ३ संक्रमित रहेको अस्पतालले जनाएको छ ।
सूचना अधिकारी श्रेष्ठका अनुसार उपमहानगरपालिकाको वडा नम्बर १ का ११ जना, वडा नम्बर २ का ६ जना, वडा नम्बर ८ का ५ जना, वडा नम्बर ५ का ३ जना, त्यसैगरी वडा नम्बर ३, ३, १३ र १६ का १/१ जनामा संक्रमण पुष्टि भएको छ ।
कैलालीकै गोदावरी नगरपालिकाका ३ जना, लम्किचुहा नगरपालिकाका, बर्दगोरिया नगरपालिकाका, टीकापुर नगरपालिकाका, घोडाघोडी नगरपालिकाका १/१ जनामा कोरोना पुष्टि भएको सूचना अधिकारी श्रेष्ठले बताए । यस्तै ठेगाना नखुलेका कैलालीकै ८ जनामा समेत कोरोना पुष्टि भएको छ ।
उता कञ्चनपुरको भीमदत्त नगरपालिकाका ३ जना, पुर्नवास नगरपालिकाका २ जना, महाकाली नगरपालिकाका र बेल्डानी गाउँपालिकाका १/१ जना, यस्तै बझाङको बुंगल नगगरपालिकाका ३ जनामा पनि संक्रमण पुष्टि भएको सूचना अधिकारी श्रेष्ठले जानकारी दिए ।
