काठमाडौं । बिहिबार नेपाली बजारमा सुनको मूल्य फेरि तोलामा ५ सय रुपैयाले बढेको छ । बुधबार प्रतितोला ९४ हजार रुपैयामा कारोबार भएको छापावाल सुनको मूल्य आज ५ सय रुपैयाले बढेर आज प्रतितोला ९४ हजार ५ सय रुपैयामा कारोबार भइरहेको नेपाल सुनचाँदी व्यावसायी महासंघले जनाएको छ ।
त्यस्तै आज तेजावी सुनको मूल्य प्रतितोला ९४ हजार ६५ रुपैयामा कारोबार भएको जनाइएको छ । त्यसैगरी आज चाँदीको मूल्य प्रतितोला १ हजार १४५ पुगेको जनाइएको छ ।
