कञ्चनपुर । कञ्चनपुरको शुक्लाफाँटा नगरपालिका-७ को वडा कार्यालयमा एक अज्ञात समूहले आगजनी गरेको छ । उक्त समुहले बुधबार राति वडा कार्यालयमा आगजनी गरेको हो ।
झ्यालको सिसा फुटाएर कार्यालयमा आगजनी गरिएको वडा सचिव महेश भट्टले बताए । ‘झ्यालको सिसा फुटाएर पेट्रोल छर्केर आगजनी गरेको सचिव भट्टले बताए ।, ‘कार्यालयको दुई कोठा आगजनी भएको छ ।’
कार्यालयको कम्प्युटर, सोफा, कार्पेट, कुर्सी र टेबुल जलेको उनी बताउँछन् । ‘क्षतिको विवरण संकलनका साथै प्रारम्भिक अनुसन्धान गरिरहेको उनको भनाइ छ ।
घटनाको अनुसन्धान भइरहेको इलाका प्रहरी कार्यालय झलारी प्रहरी निरीक्षक धर्मेन्द्र रावलले बताए ।
