काठमाडौं । अमेरिकी राष्ट्रपतिको चुनाव परिणाम लगभग छर्लङ्ग भईसकेको छ । अब मात्र औपचारिक घोषणा बाँकी रहेको छ ।
डेमोक्रेटिक पार्टीका तर्फबाट उम्मेद्वार बनेका जो बाइडेन राष्ट्रपति डोनाल्ड ट्रम्पभन्दा धेरै इलेक्टोरल भोटले अगाडि छन् ।
बाइडेनले २५३ भोट र ट्रम्पले २१४ इलेक्टोरल भोट हालसम्म पाएका छन् । अमेरिकामा कूल ५३८ इलेक्टोरल भोट छन् ।
जसमा २७० भोट ल्याए बहुमत पुग्नेछ । यसैबीच अमेरिकी चुनावमा सबै रेकर्ड तोडिएको छ ।
अमेरिकी मतदाताले धेरै संख्यामा भो.ट दिएका छन् । अमेरिकामा ६६.९ प्रतिशत मतदाताले मताधिकारको प्रयोग गरेका छन् ।
अझ रोचक कुरा त यो चुनावमा बाइडेनलाई महिलाले धेरै मन पराएका छन् । अहिलेसम्मको परिणामका अनुसार ५६ प्रतिशत महिलाले बाइडेनलाई भोट हालेका छन् ।
त्यस्तै ट्रम्पलाई मात्र ४३ प्रतिशतले भोट हालेका छन् । पुरुष मतदातामा ८ प्रतिशत भोट बाइडेन र ४९ प्रतिशत भोट ट्रम्पको पक्षमा छ ।
