धनगढी, २२ कात्तिक । सेती प्रादेशिक अस्पताल प्रयोगशालामा थप ४० जनामा संक्रमण पुष्टि भएको छ । पछिल्लो २४ घण्टामा २७८ जनाको परीक्षण गर्दा ४० जनामा कोरोना संक्रमण पुष्टि भएको छ ।
अस्पतालका सूचना अधिकारी दिलिपकुमार श्रेष्ठले कैलालीको टीकापुर नगरपालिकाका १३ जना, धनगढी उपमहानगरपालिकाका ७ जना, यस्तै जोशीपुर गाउँपालिका, घोडाघोडी नगरपालिका र मोहयाल गाउँपालिकाका एकरएक जनामा संक्रमण पुष्टि भएको श्रेष्ठले बताए । यस्तै कैलालीका ठेगाना नखुलेका २ जनामा पनि संक्रमण देखिएको छ ।
यस्तै कञ्चनपुरक भीमदत्त नगरपालिकाका ७ जना, पुनर्वास नगरपालिका, बेल्डाडी गाउँपालिका, कृष्णपुर नगरपालिकाका र बेलौरी नगरपालिकाका एकरएक जनामा संक्रमण पुष्टि भएको उनले जानकारी दिए ।
त्यस्तै अछामका ३ जना र डडेल्धुराको परशुराम नगरपालिकाका १ जनामा पनि संक्रमण पुष्टि भएको सूचना अधिकारी श्रेष्ठले जानकारी दिए ।
