कञ्चनपुर- कञ्चनपुरमा बाटो सम्बन्धि विवाद हुँदा भएको झडपमा श्रीमान श्रीमती घाइते भएका छन् ।
जिल्लाको भीमदत्त नगरपालिका वडा नम्बर ११ भुजेलामा बाटो सम्बन्धि विवाद हुँदा भएको झडपमा परी ४५ वर्षीय कासीराम सार्की र उनकी श्रीमती राधादेवी सार्की घाइते भएको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले घाइते सार्की दम्पत्तीको महाकाली अस्पतालमा उपचार भइरहेको जानकारी दिए ।
प्रहरी नायब उपरीक्षक थापाले झडपका क्रममा उनीहरु दुवै जनालाई कुटपिट गर्ने सोही ठाउँका ५५ वर्षीय देवी सार्की, ४६ वर्षीय राजु सार्की र ५१ वर्षीय मदनराज सार्कीलाई पक्राउ गरिएको बताए ।
उनीहरुलाई नियन्त्रणमा लिएर थप अनुसन्धान भइरहेको थापाले बताए ।
