महेन्द्रनगर : कञ्चनपुरमा दोहोरो नागरिकता लिन खोज्ने एक युवक पक्राउ परेका छन ।
दोहोरो नागरिकताको लिन खोज्ने कञ्चनपुरको महाकाली नगरपालिका –७ का गोविन्द सुनारलाई शुक्रबार प्रहरीले पक्रराउ गरेको हो ।
सुनारले नाम र जन्म मिति परिवर्तन गरेर दोहोरो नागरिकता लिनका लागि वडा अध्यक्षको सिरफारिस सहित जिल्ला प्रशासन कार्यालय पुगेका थिए ।
यसअघि २०७२ सालमा सुनारले २०५४ फागुन २० गतेको जन्म मिति राखेर नागरिकता लिएका थिए ।
शुक्रबार दोस्रो पटक नागरिकता लिन प्रशासन पुगेका उनले गोविन सुनारको नामबाट जन्म मिति २०५८ साल माघ २ गते राखेको भेटिएपछि उनलाई अनुसन्धाको लागि पक्राउ गरेको जिल्ला प्रहरी कार्यालय कञ्चनपुरका प्रहरी प्रवक्ता अमर बहादुर थापाले जानकारी दिए ।
प्रहरीमा भर्ना हुनका लागि उमेर घटाएर दोहोरो नागरिकता लिन खोजेको प्रारम्भिक अनुसन्धानबाट खुलेको हो । थप अनुसन्धानका गरी आवश्यक कार्बाही हुने प्रवक्ता अमरबहादुर थापाले बताए ।
