गोकर्ण पाण्डे/गुल्मी:-गुल्मीमा आमालाई दाउरा प्रहार गर्ने छाेरा पक्राउ परेका छन् । आफ्नै ५० वर्षीया आमालाई दाउरा प्रहार गरी घाइते बनाएको अभियोगमा गुल्मी धुर्कोट गाउँपालिका-२ पिपलधारा बस्ने २१ वर्षीय बाबुराम थापालाई शुक्रबार राति प्रहरीले पक्राउ गरेको छ ।
बाबुरामले दाउरा प्रहार गरी गम्भीर घाइते बनाएको भन्ने खबर प्राप्त हुनासाथ खटिएको प्रहरीले उनलाई घर बाटै पक्राउ गरेकाे थियो । यस सम्बन्धमा थप अनुसन्धान भई रहेको प्रहरी जानकारी दिएको छ।
