अत्तरिया- कैलालीको गोदावरी नगरपालिका वडा नम्बर २ अत्तरियामा वेवारिसे शव फेला गरेको छ । नगरपालिकाको वडा नम्बर २ स्थित पूर्व रोडमा रहेको प्रतिक्षालयमा शव भेटिएको प्रहरीले जनाएको छ ।
शनिबार साँझतिर अन्दाजी ६० वर्षीया बृद्धको शव फेला परेपनी पहिचान खुल्न नसकेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक विष्टले जानकारी दिनुभयो ।
पहाडी मूलको जस्तो देखिने ती बृद्धले माथिल्लो शरीरमा सेतो धर्के सर्ट र तल्लो शरीरमा नीलो पाइन्ट लगाएको प्रहरी नायब उपरीक्षक विष्टको भनाइ रहेको छ ।
उनलाई चिन्ने जो कोहीलेपनि परिवार वा नजिकको प्रहरीमा खबर गरिदिन प्रहरीले आग्रह गरेको छ भने
बृद्धको शव अहिले सेती प्रादेशिक अस्पतालमा राखिएको छ ।
