सुरेश धामि/ बझाङ : कोरोना महामारीका कारण गत चैतदेखि बन्द रहेका बुङ्गल नगरपालिका भित्रका विद्यालयहरुमा सोमबार देखि पठनपाठन संञ्चालन गरिने भएको छ । कोरोना महामारी बढ्दै गएपछि सरकारले घोषणा गरेको लकडाउनका कारण चैतदेखि बन्द रहेका सामुदायिक तथा निजि विद्यालयहरु ७ महिना पछि संञ्चालन गर्न थालियको हो ।
शुक्रबार बुङ्गल नगरपालिका शिक्षा शाखा र नगरपालिका भित्रका सम्पुर्ण बिद्यालयका प्रधानाध्यापकहरुको (प्र.अ ) बैठक बसि स्वस्थ्य सुरक्षाका मापदण्ड अपनाई शनिबार बाहेक अन्य सार्वजनिक विदाको दिन पनि पढाइ संञ्चालन गर्ने निर्यण गरेको कन्या माद्यामिक विद्यालयका प्रधाना ध्यापक पिरलाल धामीले बताए ।
सरकारको पछिल्लो निर्णय सँगै अधिकांश विद्यालयहरुले वैकल्पिक माध्यममा पढाई संचालन गरे पनि बुङ्गल नगरपालिकाका भित्रका बिद्यालयहरुमा भने इन्टरनेट र सञ्चार माध्यमको राम्रो पहुँच नभएका कारण वैकल्पिक माध्यम बाट पढाई संचालन गर्न नसकिने भए पछि शैक्षिकसत्र लम्बिन नदिन स्वास्थ्य सुरक्षा मापदण्ड अपनाइ सामुदायिक तथा निजि बिद्यालय पूर्णरुपमा संचालन गरिन लागिएको बुङ्गल नगरपालिका शिक्षा शाखा संयोजक धनकृण रेक्मी बताए ।
