धनगढी, १३ कार्तिक । सेती प्रादेशिक अस्पतालको प्रयोगशालामा गरिएको परिक्षणमा आज थप १२ जनामा कोरोना भाइरस पुष्टि भएको छ ।
सेती प्रादेशिक अस्पतालको प्रयोगशालामा पछिल्लो २४ घन्टामा २ सय ४७ जनाको नमुना परिक्षणमा थप १२ जनामा संक्रमण पुष्टि भएको हो ।
सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार धनगढी उपमहानगरपालिकाका वडा नम्बर १ का ४ जना, वडा नम्बर ३ र ६ का १ / १ जना तथा वडा नखुलेका १ जनामा कोरोना पुष्टि भएको हो ।
यस्तै कैलालीकै गोदावरी नगरपालिकाका १ जनामा कोरोना पुष्टि भएको छ । सूचना अधिकारी श्रेष्ठका अनुसार कन्चनपुरको भिमदत्त नगरपालिका १ जना र कन्चनपुरको ठेगाना नखुलेका ३ जनामा कोरोना पुष्टि भएको छ ।
