धनगढी। कञ्चनपुरमा ५० हजार नगद सहित तीन जना जुवाडे पक्राउ परेका छन् ।
जिल्लाको भीमदत्त नगरपालिका वडा नम्बर १८ बरपिपल चौक नजिकै रहेको प्रयास रेष्टुरेन्टमा जुवा खेलिरहेको अवस्थामा ५० हजार ८५ सहित ३ जनालाई पक्राउ गरिएको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले पक्राउ पर्नेमा सञ्चालक भीमदत्त नगरपालिका १८ कै ३४ वर्षीय पदम चन्द, वडा नम्बर ६ का २६ वर्षीय हरिश पन्त र वडा नम्बर ४ का २८ वर्षीय सागर ऐर रहेको बताए ।
उनीहरुलाई नियन्ण्त्रणमा लिएर थप अनुसन्धान गरिरहेको प्रहरीले जनाएको छ ।
